Hiru radarren hornidura elektrikoa egiten dabiltza

Xabi Gorostidi 2017ko ira. 14a, 18:52
Gaur arratsaldean langileak Garibaiko radarreko hornidura lanak egiten.

Uribarrin, Garibain eta San Andresen radarrak jarri zituen Arrasateko Udalak martxoan. Abiadura neurgailua ez dago martxan, oraindik ez baita kontratazio mahaitik pasa, eta funtzionamenduan egon aurretik, bertan abiadura neurtzen dela ohartarazteko seinaleak jarriko dituztela azaldu du Hirigintza saileko buru den Ibon Arrupek.

Neurgailu bakarra alokatuko du Udalak, eta txandaka lekuz aldatzeko asmoa dute. Hala gidariek ez dute jakingo neurgailua martxan dagoen, eta beldur efektu horrekin hiru neurgailu alokatzea saihestu nahi izan dute. Uribarrin eta San Andresen 40km ordukoa izango da gehienezko abiadura, eta Garibain, aldiz, 30 km ordukoa. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak