Balmasedako gidariak bigarren txandan egin zuen denborarik onena bere barketarekin. Errepidea siku zegoen unean. Autoetan onena, Markel Cestafe bergararra izan zen. Guztira, 30 autok hartu zuten parte.
Eguraldiak, euriak, baldintzatutako igoera izan zen. Lau txanda egin zituzten gidariek eta etengabe zalantza bera izan zuten: zein errubera mota erabili. Sikurako edo bustirako. Horregatik, euririk egin ez zuen txandako denborak izan ziren onenak.
Bigarrengoz egindako igoeran ez zen ezustekorik ez. Ez istripurik, ezta arazo larririk. "Orain, balorazioak egiteko unea da. Baina, pozik gaude gaurkoak eman duenarekin" esan zuen Asier Amutxastegi antolatzaileak.
2017 ira 09 Arrasate
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.