Epaiketa atzo, irailak 6, egin zen. 13:30ean hasi eta 19:00ak aldera amaitu zen, eta Mendizabalek zein Arkauzek deklaratzeari uko egin zioten. Gaur eman dute epaia:
-Julen Mendizabal: zazpi urte
-Raul Aduna: zazpi urte
-Kepa Arkauz: sei urte
-Ekhiñe Eizagirre: sei urte
-Igor Uriarte: sei urte
-Andoni Goikoetxea: sei urte
Parisera elkartasuna adieraztera joan diren herritarrek euren askatasuna eskatu dute: "Arrasatetik, Zarauztik eta Gasteiztik joandako 60 lagunek eurekin elkartasun eta maitasun begiradak, keinuak eta irribarreak trukatzeko aukera izan genuen. Etxean nahi eta behar ditugu!".
