Partiduz partidu joan gura du Andoni Ezkurraren taldeak eta gaurkoa ondo amaitu dute. Kopako txapelketa jokatzen ari dira zuri-moreak eta etxean jokatu dute euren multzoan lehenengo amaitu dutelako.
Allerru taldearen bisita izan dute gaur Mojategin, eta 1-0 amaitu da partidua. Goiz egin dute gola Arrasatekoek, partiduko lehenengo minutuetan hain zuzen ere. Allerruk ez du markagailuan aurrera egiterik izan.
Hurrengo itzulira
Mondrako taldearekin batera Eibar, Urnieta eta Lagun Onak pasa dira Kopako hurrengo itzulira. Zuri-moreek Eibarko taldearen aurka jokatuko dute, domekan, Mojategin.
