Motorrez bete da Arrasateko Herriko Plaza

Arrasateko Herriko Plaza motorrez beteta.

Guztira 180 lagun inguruk eman dute izena, Red Dragons motorzale taldeak antolatutako 1. motor bazkari solidarioan. Goizean goizetik motorrez bete da Herriko Plaza eta guztiak elkartu ostean, kostaldera egin dute motor buelta. Alderdi solidarioari dagokionez, hasi dira elikagaiak jasotzen eta "martxa onean" doala adierazi dute antolatzaileek.

Eguraldi ona lagun, motor buelta eman dute 180 motorzale inguruk, Red Dragons taldeak antolatutako egun berezian. Arrasaten hasi, Bergaratik pasa eta Zarautz, Orio eta Deba zeharkatu ostean, Arrasatera etorri dira berriro. Arrasateko bertako, Bergarako, Gasteizko edota Durangoko motorzaleak etorri dira, besteak beste.

Bitartean, Arrasateko Herriko plazan haurrendako jokoak egon dira bazkaltzeko ordua iritsi den arte. Eguerdian bazkaria egingo dute Herriko Plazan eta gero motor erakustaldi bat ere izango dute.

Ostean, motorrekin joko batzuk ere egingo dituzte eta omenaldia ere prestatu dute. Alde batetik, Juan Antonio Montero zendutako herriko laguna omenduko dute, eta bestetik, Musakolako moto kluba omenduko dute urte hauetan guztietan egindako lanagatik.

Giro ederrean jarraitzeko, Azkaiter Pelox-en emanaldia izango da gero eta zozketak ere egingo dituzte.

Janari bilketa

Bitartean, egun guztian zehar janari bilketa solidarioarekin jarraituko dute. Momentuz arroza, babak, garbantzuak edota pasta jaso dute eta antolatzaile taldeko Iban Markezek adierazi du "martxa onean" doala janari bilketa. Aterpetxeetara edo elikagaien bankutara banatuko dituzte elikagaiak.

Erlazionatuak

Motor bazkari solidarioa

Arrasate

Arratsaldean ere, motor hotsak Herriko Plazan

Arrasate

Bapo bazkaldu ostean, hainbat motor joko egitekoak ziren Herriko Plazan, baina lekuak motorrez beteta jarraitzen duenez, bertan behera utzi dituzte...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.