Bizikletentzako proposamenak

Bizikleten alorrean jada planteatuta dagoen bidegorria sarean aurrerapausoak ematea ezinbestekotzat jotzen dute txostenaren egileek mugikortasuna hobetzeko.

Eskoriatza, Arrasate eta Oñati bidegorri bidez lotuta

Inguruko herriekin konektatzeko egun eginda dauden bidegorri zatiak osatzea da datozen 10 urteetarako erronka nagusia. Hala ere, txostenaren egileek garrantzitsutzat jotzen dute hauek egiteko lekua errepideari kentzea oinezkoen espaloiei kendu beharrean, bidegorriak galtzadan eginez. Hala, Garaia gunetik Muzibarreko biribilgunerako zatia, Fagor Electronica ingurutik, Etxaluze egoitzaren alboan dagoen biribilgunerako zatia eta Ospitale ingurutik Zigorrolako San Isidro elizaraino doazen zatia egitea izango lirateke eginbehar nagusiak. Aurretik eginda zegoen bidegorri sarean, Zarugalden, Gipuzkoa Etorbidean eta Garibaien bidegorria galtzadan jartzeko eskaera berezia egin dute txostenaren egileek.

Bizikletentzako aparkalekuak

12 bizikleta uzteko lekua izango duten bost aparkatzeko gune jartzea ere proposatzen da. Gipuzkoa etorbidean zehar joango lirateke horietako hiru; bata Ertzainen egoitza alboan, beste bat Osiñaga kaleko biribilgunetik gertu eta azkena Joan Bengoa kalearekin lotunean, kiroldegitik gertu. Gainontzeko biak, Araba eta Uribarri etorbidean joango lirateke. Horiez gain, Garibai kalean 25 bizikletentzako Bici-Box bat jatzea ere jasotzen da txostenean.  

Bizikletaren erabilpena handitzeko sentsibilizazioa

Herritik mugitzeko dauden joerei buelta emateko, bizikletaren erabilera handitzeko sentsibilizazio kanpaina bat proposatzen da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.