Elorrio jipoituz hasi du igoera fasea Kanpanzar ART-k (77-7)

Garaipen garbia eskuratu Kanpanzar ART-k Elorrioren aurka eta igoera faseari ezin hobeto ekin dio. "Haien taldean ezinbestekoak diren hiru jokalari falta ziren eta hori asko nabaritu da partiduan zehar. Oso erraz irabazi dugu gaurkoan", adierazi du Xabi Gardoki Jabo taldeko kapitainak.

Hasiera-hasieratik oso indartsu atera dira partidura arrasatearrak. "oso gogotsu ekin diogu partiduari, beroketatik hasita, eta lan bikaina egin dugu. Nabaritzen da ligaren bila goazela", nabarmendu du Jabo-k.

Elorriok ere ez du bere mailarik onena erakutsi gaur Mojategin, taldeko kapitainaren esanetan. "Baja garrantzitsuak izan dituzte. Horrez gain, euren zelaia, estuagoa izateaz gain, belar naturala da eta horrek eragin handia dauka. Guri belar artifizialak mesede egiten digu".

Izan ere, Kanpanzar ART da, igoera fase honetan, belar artifizalean jokatzen duen talde bakarra. "Kanpoko partidu guztiak naturalean izango dira eta horrek guri kalte egiten digu".

Bost neurketa falta

Igoera faseko lehen partidua izan da gaurkoa eta beste bost gelditzen zaizkie arrasatearrei. "Gure helburua dinamika honetan jarraitzea da", adierazi du kapitainak.

Hurrengo partidua Irunen izango du Kanpanzar ART-k. "Lehenengo garaipen honekin, beste motibazio batekin joango gara".

Erlazionatuak

Ondo hasi du igoera fasea ART-k

Arrasate

Hasieratik atera dira indartsu arrasatearrak eta aldekoa izan da azken emaitza (77-7). Hurrengo partidua Irunen izango du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.