Kirol klubetako ordezkariekin diru-laguntzen gaineko batzarra

Arrasateko Udalak deituta, Arrasateko kirol talde askotako ordezkariak batu ziren eguaztenean, diru-laguntzak zelan eskatu behar diren argitzeko.

Arrasaten kirol talde mordoa dago, eta horiek kudeatzeko lanetan herritarrak ibiltzen dira, ez profesionalak. Hori jakinda, Arrasateko Udalak deituta batzarra izan zuten eguaztenean: "Helburua garbia da, egunerokoan nahikoa lan dute klubak kudeatzen, edo kirol hitzorduak antolatzen, eta horrekin batera lan administratiboa ere badago, diru-laguntzak zelan eskatu, gastuak zelan aurkeztu... Horiek zelan egin azaltzeko batzartu gara klubetako ordezkariekin, lana errazteko asmoz", adierazi zuen Garai zinegotziak. 

Antxintxikakoak, futbol, saskibaloi, eskubaloi edo errugbikoak, zikloturistak, AKEkoak, Dorletako Amakoak, Besaide Mendi elkartekoak, Judokoak edo Arrasate A + Gasekoak. Hamaika kirol taldetako ordezkariak batu ziren atzo Mojategin: "Lan administratiboak buruhausteak sortzen ditu, baina hala ere, jendea gauzak antolatzeko gogoz ikusten dut".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.