Ibai-Artek antolatuta, udazkeneko eta neguko stock-aren azoka egingo da zapatuan, martxoak 4, Arrasateko erdiguneko kaleetan. Elkarteko 33 komertziok euren produktuak kalera aterako dituzte, "prezio ezin hobean". 10:00etatik 20:00etara iraungo du azokak, Sanbamaña taldearen batukada eta kiliki zein erraldoien kalejira eta guzti.
Produktuak saltoki aurrean jarri izan dituzten dendekin merkataritza gune bat sortuko dute Maiatzaren Lehena plazan. Ordainketa guztiak eskudirutan egin beharko dira. Esandako moduan, animaziorik ez da faltako. Sanbamaña taldekoen batukada egingo dute kaleetan zehar, 11:00etatik 13:00etara. Gainera, erraldoi eta kilikiak kalejiran irtengo dira, 17:00etatik 19:00etara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
