Buruko osasunaren eta bizi kalitatearen gaineko argibideak emango dituzte Agifeseko kideek

Buruko osasun arazoa duten pertsonen ongizatea hobetzeko jarraibideak eskainiko ditu astelehenean, otsailak 27, buruko nahasmendua duten pertsonen eta senideen Gipuzkoako elkarteko gizarte-langile Veronica Pazosek. Kulturateko areto nagusian da hitzaldia, 18:30ean.

Buruko gaixotasunaren eta bizi-kalitatearen gainean zer ulertzen den adieraziko du Pazosek eta horren inguruko azalpenak eman. Buruko osasun arazoa duen pertsonaren eta haren senideen egunerokotasuna hobetzeko hainbat kontzeptu landuko ditu: ahalduntzea, buru gaixotasuna duen pertsonak osatze prozesuan izan beharko lukeen konpromisoa, senideek gehiegizko babesa ez ematea edo gizarteratzea, besteak beste.

Erabiltzailearen ongizatearen alde lan egiteko Agifesek dituen zenbait baliabide eta programa ere aurkeztuko ditu. Horien artean nabarmenduko ditu aisialdi eta denbora libreko programa, senide eta zaintzaileentzako laguntzak eta etxez etxeko arreta psikohezigarria.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.