Gizakiak duen kulturarekiko beharraz gogoeta, dantzarekin

Kukai taldearen 'Oskara' ikuskizuna Amaia antzokian, etzi, zapatua, 19:30ean; sarrerak hamar eurotan eskura daitezke Amaia antzokiko leihatilan eta Arrasate.eus atarian.

Kukai dantza taldeak eta Markos Morauk, La Veronal konpainiako zuzendariak, elkarrekin sortu dute. "Ezberdinen arteko elkarlanak sustatzea da gure lan moldeetako bat. Oraingoa Europako sortzaile garrantzitsuenekin egin dugu", dio Jon Mayak, Kukai taldeko zuzendariak.  

Dantza eta musika zuzenean

Euskal Kulturaren hainbat pasarte islatzen ditu ikuskizunak,  dantza tradizionalak dantza garaikidearekin ezkonduta. "Gure kulturari erreferentziak etengabekoak dira. Ikusten ditugu, esaterako, jantzietan, elementu tradizionalak, agerikoak dira; berdin gertatzen zaigu musikan, orokorrean, oso atmosferikoa da, baina tartean Mikel Laboa, Maddi Oihenart eta musika tresna tradizionalak ere agertuko dira. Oro har, ikuskizunak gizakiok dugun kulturaren beharraren gaineko gogoeta  planteatzen du. Bost dantzari izango dira Amaia antzokiko agertokian, eta, horiekin batera, orain dela gutxi arte Kalakan taldeko kide izan den Thierry Biscary musikaria ere bai".

Erlazionatuak

Kukai dantza taldeko Jon Maya zuzendaria Arrasate Irratian

Arrasate

Zapatuan, Amaia antzokian eskainiko du Kukai dantza taldeak 'Oskara' ikuskizuna; Jon Maya dantza taldeko zuzendariari Arrasate Irratian egindako el...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.