Arrasateko Korrika Batzordearen ateak, "zabal-zabalik"

Arrasateko korrika batzordeko kideak Kulturaten.

Martxan da Arrasaten ere Korrika Batzordea. Hamabost egunean behin elkartzen dira Kulturateko Loramendi gelan (18:30) eta azpimarratu dute batzordean parte hartzeko ateak "zabal-zabalik" dituztela edonorentzat. Bailara mailan Korrikako argazki zaharrak jasotzen ari direla gogoratu dute; horretarako honako hau da helbide elektronikoa: korrikadebagoiena@gmail.com.

Korrika Kulturalaren barruan lotuta dituzten ekitaldien berri ere eman dute: martxoaren 12an Kepa Junkera eta Sorginak taldearen ikuskizuna Amaia antzokian, martxoaren 22an Laburbira zikloaren emanaldia Kulturaten eta apirilaren 7an Korrika Txikia goizean zehar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.