Lehenengo zatia, 34-0 hasi dira irabazten zuri-moreak eta bukaeran, entsegu bat sartu dieten arren, 79-5 amaitu da partidua.
"15-0 hasi gara lehen bost minutuetan irabazten, eta euren taldeko hainbatek min hartu dute, zoratzen joan da partidua,… baina guretzat ondo" azaldu du Igor Isasi entrenatzaileak. Hala, denboraldi bikaina egiten ari dira, izan ere, hamaika partidutatik, guztiak irabazi dituzte.
Bigarren faseko azkena, Arratikoren aurka
Bigarren faseko azken jardunaldia jokatuko dute datorren astean Arratikoren aurka, eta Igor Isasi entrenatzaileak adierazi du aurkari "gogorra" dela. Hala ere, helburua irabaztea dela azaldu du, igoera faserako dinamika berdinarekin jarraitzeko asmoa dutela gaineratuz.
