Psychobillya eta punka jorratzen dituen Aretxabaletako eta Arrasateko kideek osatutako Screamers and Sinners-ek eta Londrestik datorren Moonshine Stalkers taldeak jardungo dute Arrasateko gaztetxean datorren zapatuan, otsailak 11, 22:00etan.
The revenge of... El Sacamantecas diskoa kaleratu berri du Screamers and Sinners taldeak (Mad Sin eta Ghostmaker taldeetako Andy Laaf-ek ekoiztua) eta Arrasaten egingo dute aurkezpen kontzertua. Lehen diskoak, Demon tales, harrera oso ona izan zuen eta Europako hainbat jaialditan aritu ziren orduan. Bigarrena aurkezteko gogotsu datoz orain.
Etxekoekin batera Moonshine Stalkers taldeak jardungo du, Euskal Herrian egingo duen emanaldi bakarrean. Londoneko hirukoteak Last day on earth diskoa aurkeztuko du eta psychobillya uztartuko dute twist eta rockin´ garaikidearekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
