Mozorrotutako arrain-hezurrez betetako kartelak irabazi du 2017ko Inauterietako kartel lehiaketa, atzo epaimahaiak erabaki zuenez. Egilea Itsaso Diego arrasatearra da, eta "pozik" hartu du berria.
Sardinaren hileta ideia moduan hartuta, "ukitu koloretsua" eman nahi izan dio Sudur Gorri kartelari Itsaso Diegok, "arrain-hezurrak mozorrotuta".
"Ez nuen lehiaketa irabaztea espero. Ideia, hain zuzen ere, azken orduan bururatu zitzaidan, buelta asko eman ostean. Beraz, horrelako gauzak pozgarriak dira", adierazi du 2017ko Inauterietako kartel lehiaketako garaileak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.