Txatxilipurdi elkarteak otsailaren 4an jarriko du martxan aurtengo ludoteka ibiltaria, Musakola auzoan. Musakolan lau saio egingo dituzte eta San Andres auzoan beste lau. Ludoteka ibiltariak 3-12 urte bitarteko umeentzat, nerabeentzat eta horien arduradunentzat zapatu goizak euskaraz eta giro atseginean gozatzeko aukera eskainiko du aurten ere.
Musakolan otsailaren 4an, 11n, 18an eta martxoaren 4an egongo da ludoteka ibiltaria, gazte txokoaren atarian. San Andresen, berriz, martxoaren 11n, 18an, 25ean eta apirilaren 1ean egingo ditu geldialdiak. Ordutegia izango da 10:30etik 13:30era. "Ez dago bazkide izan beharrik, edonork izango du aukera gurekin jolastu, euskaraz mintzatu eta gustuko gauzak egiteko", adierazi dute antolatzaileek.
(Argazkia: Musakolako ludoteka ibiltariaren kartela)
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
