Amaia Arzamendik jaso du Artgazkik antolatutako lehiaketaren lehen saria

Sarituak, Artgazkiko kideak, Aspanogiko ordezkaria eta Maria Ubarretxena alkatea

Udazkena Euskal Herrian bigarren argazki lehiaketako sariak banatu ditu gaur Artgazki taldeak. Sari nagusia Amaia Arzamendi oñatiarrarendako izan da Perretxikoa lanagatik. Dagoeneko 30 argazki saldu dituztela jakinarazi dute eta 1.500 euro eman dizkiote Aspanogi elkarteari.

Alkateak, Maria Ubarretxenak, lagun egin die sariak banatzen Artgazki taldeko kideei. Amaia Arzamendi oñatiarrak jaso du lehen saria Perretxikoa argazkiagatik; Andoni Iñarra arrasatearrak bigarrena, Haizea argazkiagatik; eta Iñaki Nuñez gasteiztarrak, El bosque lanagatik. Publikoak ere izan du bozkatzeko aukera eta Sebas Lozano arrasatearrarendako izan da horren saria. Antolatzaileek jakinarazi dute "maila polita" izan dela bigarren lehiaketa honetan ere.

Dirua Aspanogirendako

Guztira 180 argazki inguru jaso dituzte bigarren lehiaketa honetan, 60 argazkilarik hartu dute parte, eta Kulturaten egon dira ikusteko horietako asko hamabost egunez. Ikusteko bakarrik ez, baita saltzeko. Saldutako argazkien dirua Aspanogirendako, Gipuzkoako Haur Minbizidunen Guraso elkartearendako da, eta gaur 1.500 euro eman dizkiote haren ordezkariari; izan ere, dagoeneko 30 saldu dituzte.

Erlazionatuak

Negu gorrian udazkeneko koloreak gozagai

Arrasate

Gaur zabaldu dute Arrasateko Kulturaten Artgazkik, Arrasateko Argazki Elkarteak, antolatutako Udazkena Euskal Herrian argazki lehiaketaren bigarren...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.