Lan erdiak egin ditu MUk, beste erdia geratzen da

Jon Ugarteburu Venta de Bañosen kontrako lehian. Argazkia: E. Filarmendi

Lehenengo itzulian bost garaipen batu ditu talde arrasatearrak, eta bigarren itzulian beste horrenbeste egin gura dute; gezurra badirudi ere, iaz talde sendoagoarekin garaipen bat gutxiago zuten. Bihar Easo Loquillo izango da Iturripen (18:30).

Zelan diren kontuak, hilabeteak eman ditugu MUko saskibaloi taldean dituzten hutsuneak gogorarazten –Barberena, Barbero...– eta hala ere, lehenengo itzulia amaitu berritan taldearen zenbakiak iazkoak baino hobeak dira, Josu Larreategik Arrasate Irratian ondo gogoratu moduan. Hala, lehenengo itzulia amaitu duten honetan geldialdia egiteko unea da, eta egindakoa errepasatzeko momentua. Eta datuek diote arrasatearrek bost garaipen dituztela, Tolosaren (76-64), Venta de Bañosen (66-96), Valle de Eguesen (72-58), Ulacia Gruporen (57-64) eta Grupo de Santiago Automocionen kontra (70-75) lortutakoak.

Gazteek, pauso bat aurrera 

Hala, gazteak izan arren taldean urteak daramatzaten jokalarien aurrerapausoa espero du entrenatzaile eskoriatzarrak: "Badirudi 30 urte dituzten jokalarien gainean gabiltzala berbetan, baina ez, 25 urte edo gutxiago dituzte. Gazteak dira, baina dagoeneko esperientzia pilatu dute EBAn, askorendako hirugarren urtea delako, eta horiek pauso bat eman behar dute aurrera". 

Easoren bisita, zapatuan 

Bigarren itzulia hasiko dute bihar MUkoek (18:30, Iturripe) eta laugarren dagoen Easo izango dute aurrean. Joanekoan donostiarrak gehiago izan ziren (81-66).  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.