Arrasateko Udaleko Kultura Sailak kaleratu duen urtarrileko gidan Borobil antzerki taldearen Gu umeendako antzezlana, Su Ta Gar taldearen ikuskizun intimoa eta Artedrama taldearen Francoren bilobari gutuna antzezlana izango dira Amaia antzokian, besteak beste. Gainera, Kooltur Ostegunak ekimenaren barruan ere hiru kontzertu interesgarri izango dira hil honetan gaztetxean.
Kooltur Ekintza taldearen Kooltur Ostegunak ekimenaren barruan, Zestoako Grises taldeak eskainiko du urte berriko lehen kontzertua; indie-rock doinuak eskainiko dituzte. Astebete geroago Bergarako What a band taldea igoko da gaztetxeko agertoki gainera eta hilabetea ixteko ardura izango dute, hilaren 26an, Gasteizko Sumision City Blues taldekoek. Jarraian, urtarrileko kartela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.