Anoeta Kiroldegiko Administrazio Kontseiluak LKS Ingeniaritza kooperatibaren eskaintza aukeratu du Anoetako estadioaren kudeaketa integratua eta eraikitzea egiteko; horrela dio Real Sociedaden webguneak. Albiste horrek dioenez, administrazio kontseiluaren orain azkeneko bileran eman da horren berri.
Lanak datorren maiatzean dira hastekoak, eta 2019ko abuztuan dira bukatzekoak.
Estadioaren ipar eta hego hondoak guztiz berrituko dira, eta, 2018ko maiatzetik aurrera, lan zailena egingo dute: joko-eremua jaistea.
