II. Goiengazte Eguna Arrasaten egingo dute astelehenean

Iaz Oñatin ikusitako arrakastaren ondoren, Debagoieneko Udaletako Gazteleku eta Gazte txokoek antolatutako eguna da, bailarako nerabeek elkar ezagutu eta elkarrekin esperientzia ezberdinak partekatzeko helburuarekin.

Abenduaren 26an izango da, Arrasateko plazan (eguraldi txarra eginez gero, Gaztetxean) eta arratsaldeko 16:00etatik 20:00ak arte, ekintza ezberdinak izango dira:

- Talde jokoak: Speed Cups erraldoia, Jungle Speed erraldoia, Bottle Chalenge erraldoia, 3 linean erraldoia, Polilla tramposa erraldoia.

- Luntxa.

- Kontzertuak: Txua + Jasan + Talde Sorpresa

12-17 urte arteko Debagoieneko nerabe guztiak daude gonbidatuta. Parte hartzeko, egunean bertan eman daiteke izena, herriko plazara gerturatuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.