Micah P. Hinson musikariak eta Izaro artista gazteak emanaldia eskainiko dute Arrasateko Amaia antzokian, abenduaren 29an, arratsaldeko 20:00etan.
Menphiseko Micah P. Hinsonek aparrak bezala egin du gora: guztiz ezezaguna izatetik modako kantaria izatera (lehen diskoarekin); gero, kultuzko ikono bihurtu zen (bigarrenarekin); artista nabarmen ondoren (hirugarrenarekin, 2008an); eta, azkenik, izar ospetsu (ordutik hona).
Izaro Andres Zelaieta 1993ko Urtezaharrean jaio zen eta honek, bere izateko eraren ADNa markatu zuen. Urteko azkeneko eguna bezala da, gauez alai eta egunez besarkatzeko modukoa, xanpainaren txinparta dauka. Orain dela gutxi bere lehen diskoa argitaratu du.
