Arrasateko osasun zentroak ere Joint Commission erakundearen agiria jaso du

Osakidetzako lantaldea.

Arrasateko anbulatorioak Joint Commision erakundearen nazioarteko agiria eskuratu du, honako ezaugarri hauek errekonozituak izan ostean: pazienteari eskainitako arreta, pazientearen segurtasuna eta prozesu klinikoetako arriskuen murrizketa, eta kudeaketa dinamiko zein parte-hartzailean oinarritutako eredua. Bergarako eta Oñatiko anbulatorioek, eta Debagoieneko ospitaleak ere duela gutxi jaso dute agiri hori.

Joint Comission erakundeak, orokorrean, honako ezaugarri hauek hartzen ditu aintzat: pazienteen identifikazio zuzena, profesionalen komunikazioaren eraginkortasuna, arrisku handiko medikazioaren gaineko segurtasuna, osasun-arretari lotutako infekzioen arriskuen murrizketa edota pazienteen erorikoei lotutako lesioen arriskuen murrizketa.

Profesionalen lana

Debagoieneko ESIren zuzendari Andoni Arzelaik bertan lanean ari diren profesional guztien konpromisoa, ahalegina eta eguneroko lana eskertu ditu. Dioenez, ezaugarri horiek oso garrantzitsuak izan dira Debagoieneko osasun-erakunde diferenteek ere agiri hori lor dezaten.

50 urtetik gora kalitatea neurtzen

Gaur egun, osasun-egiaztapenetan, munduan ez dago Joint Commisionek adina esperientzia duenik. 50 urtetik gora daramatza osasun-erakundeen eta erakunde soziosanitarioen kalitatea eta segurtasuna hobetzeari emana. Egun, munduan 20.000 erakunde inguru egiaztatu ditu, tartean, Osakidetzaren Debagoieneko ESIa.

Erlazionatuak

Bergarako Osasun Zentroak Joint Commission erakundearen egiaztagiria lortu du

Bergara

Joint Commission International egiaztagiria, pazientearen segurtasuna eta arretaren kalitatea ebaluatzen ditu, eta nazioarte mailan ospe handia dauka.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.