'Zinemauneak.eus': zinema eta euskara batzen dituen ataria

Aitziber Aranburuzabala Juldain 2016ko abe. 15a, 14:46
'Zinemauneak' atariaren irudia.

Zinemari buruzko informazioa euskaraz zabaltzeko helburuarekin abiatu zuen Lander Arteagak Zinema Uneak izena duen ekimena. Gaur estreinatu dute zinema.eus  ataria, eta erabiltzaile guztiendako dago zabalik; hala ere, bazkideentzako txokoa ere badago.

Hasiera baten proiektu pertsonala zena kolektibo bihurtu da, eta bost lagun daude orain lanean. "Bereziki, areto komertzialetan eskaintzen dituzten filmen gaineko informazioa aurkituko duzue bertan: albisteak, kritikak, erreportajeak eta euskarazko azpitituluak dituzten trailerrak ere bai. Ez dugu euskal zineman bakarrik jarri gura fokua; eta, era berean, proiektu multimedia izatea gura dugu, argazki eta bideo askorekin", azaldu du Arteagak.

'Crowdfunding' kanpaina abian

Dirua biltzeko, gainera, jendeak ekimenarekin bat egiteko abiatu zuten Verkami plataformaren bitartez. Abenduaren 21 da laguntza-kanpaina horretan parte hartzeko azken eguna, eta honako hau helbidea: vkm.is/zinemauneak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak