Laubideko aparkalekua berriro zabalik

Laubideko eta Biteriko aparkalekuak Murias Enpresa Taldeak ustiatuko ditu eta gaurtik zabalik izango da Laubidekoa. Lehen hilabetean doan aparkatu ahal izango dute Laubideko erabiltzaileek lehenengo bi orduetan. Bi ordu horien ostean, 1,20 euro ordaindu beharko da orduko. Guztira, 597 aparkaleku-plaza izango dituzte bi aparkalekuek.

Murias Enpresa Taldeak Arrasateko Biteri eta Laubide aparkaleku publikoen kudeaketa eta ustiaketa bere kargu hartu ditu. Bi aparkalekuen kudeaketa berri honi bihar ekingo zaio, abenduaren 13an. Irekiera-eskaintza moduan, lehen hilabetean bi orduz doan aparkatu ahal izango dute Laubide aparkalekuko erabiltzaileek.

Gainera, enpresa kudeatzailea "inguruko merkatariekin kontaktuan jarriko da beraien bezeroentzat onuragarriak izan daitezkeen merkataritza-akordioak bilatu eta sinergiak sortzeko asmoz".

597 aparkaleku-plaza

Biteriko aparkalekuak 432 plaza ditu, horietatik 137 txandakakoak eta gainerakoak bertakoentzat erreserbatuak. Laubideko aparkalekuak, berriz, txandakako 165 plaza ditu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.