Arrasate Musikaleko bandak eta txistulariek lagun eginda Batzen dantza herrikoira deitu dituzte herritarrek lehenengo; baita mordotxo bat batu ere. Kalejira egin dute Seber Altube, Biteri eta Maalan zehar eta ondoren, Portaloi taldearen konpainian hainbat kantu abestu dituzte.
Azken asteotan martxan izan duten Baietz 1.000 erronka bete dela irudikatzeko Pauso bat aurrera, mila pauso! leloarekin ekitaldia izan da gero. Eta bukatzeko Soka Dantza dantzatu dute euskalgintzako hainbat ordezkarik eta merkatarik, euskara elkarri emateko gertu daudela irudikatuz.
