Arizmendi ikastolan, Arrasateko Institutuan, Arrasate Herri Eskolan, Mondragon Goi Eskola Politeknikoan, Udal Euskaltegian, Debagoieneko AEK-n, ludoteketan, Gaztetxokoetan eta Auzoko programan askotariko ekintzak egin dituzte egunotan. Jai giroa, aldarrikapena eta gogoeta uztartu dituzten ekintzak. Besteak beste, txokolatadak, ipuin kontaketak, futbito eta mahai tesis txapelketak, mintzodromoak, triki-bertso-pilota jaialdia, denetariko tailer eta jolasak, argazki rallya, dantza saioak, talde argazki erraldoiak, muralak, Buztantxori ongi-etorria…