Alkoholaren eta drogen eraginei buruzko saioak tabernariekin

Xabi Gorostidi 2016ko abe. 1a, 16:36

Hauen kontsumoarekin lotutako arrisku legal, fisiko zein psikologikoak landu dituzte herriko hamahiru ostalarik. Bi saioko formazioa izan da, eta parte hartzaileek balorazio positiboak egin dituzte.

Prebentzio sailaren eskutik herriko tabernariei zuzendutako bi formazio saio egin dituzte azaroan zehar.
Ekimen honen helburu nagusia da tabernariei baliabideak eskaintzea bezeroek egiten duten alkoholaren eta beste drogen kontsumoarekin lotutako arazoei aurre egiteko.

Horren baitan, kontsumoei lotutako arrisku legal, fisiko zein psikologikoak ezagutu eta arrisku horiek murrizteko jarraibideak eman nahi  zaizkie ostalariei. Arrisku egoera horiek detektatzeko gaitasunetan trebatzea ere ekimenaren helburuen barruan sartzen da, batez ere, kontsumitzaileak adingabeak diren kasuetan.


Herriko hogei tabernei eman zaie formazioan parte hartzeko aukera eta hamahiruk onartu dute gonbidapena. Parte hartzaileak pozik azaldu dira prebentzio sailaren ekimenarekin: “Drogen inguruko ezagutzan sakondu dut eta eramangarria iruditu zait. Baliagarria”.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak