Gipuzkoakoak dira ikasle gehienak, baina Bizkaitik eta Arabatik (asko) etorritako gazteek aukeratu dute Ikus-entzunezko Komunikazio ikasketak egitea Mondragon Unibertsitatean. Aurten 52k guztira.
Erredakzioaren funtzionamendua
Besteak beste, lau aldizkari landu behar dituzte ikasgelan, benetako erredakzioen funtzionamendua oinarri hartuta. Eta hain justu ere, halako baten antolaketa eta jarduteko modua bertatik bertara ezagutzera etorri dira Goiena Komunikazio Taldera; Iban Arantzabalek, Goienako zuzendari nagusiak, eman dizkie azalpenak.
"Edukia, irudiak, testuak, maketak… landu behar dituzte. Eta hori zela egiten den ikustera etorri dira", esplikatu du Goio Arana irakasleak.
