goiena.eus

'Black Friday'-a ospatuko dute bihar Ibai-Arteko zenbait saltokik

 Arrasate

Black Friday da bihar, azaroko azken egubakoitza. 1960ko hamarkadan AEBn sortutako fenomenoa da, Gabonetako erosketen hasiera iragartzen duena. Eta AEBn sortutako beste hainbat ohituren antzera, Debagoienera ere heldu da. Arrasaten bertan, Ibai-Arte elkarteko 44 saltokik ospatu zuten iaz Black Friday-a, %15era arteko deskontuekin. Eta aurten ere ospatuko dute, beste modu batera.

'Black Friday'-a ospatuko dute bihar Ibai-Arteko zenbait saltokik
Ibai-Arteren Merkemerkaua, artxiboko irudi baten. | Ikusi handiago | Argazki originala

"Egun honetan, erosketetan hilabete tristea izan ohi den azaroko azken barikuan, erosketak gora egitea lortzen da. Iaz egin zen lehenengoz Arrasateko Black Friday bateratua eta izan zituen emaitzak ikusita aurten errepikatzea erabaki dute merkatariek", adierazi dute antolatzaileek. 

Denetariko dendak batu dira ekitaldira eta saltoki parte-hartzaileek "promozio eta deskontu handiak" egingo dituzte salgai dituzten produktuetan. Ekimenean parte hartzen duten saltokiek kartel eta puxikak jarriko dituzte gainontzekoengatik bereizteko.

2016/11/25 10:00 - 20:00

Ibai-Arteren zenbait saltokitan. Arrasate

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa