Bi istripu izan dira goizean Arrasateko bina sarreratan. Lehena, 07:25ean gertatu da. Istripua baino, matxura izan du kamioi batek Arrasatetik Bergararako noranzkoan, Eroski hipermerkatuaren pareko biribilgunearen irteeran, eta hantxe dago geldi harrezkero. Bigarren istripuaren berri, berriz, 08:48an izan du Ertzaintzak. Kanpantzartik Arrasateko noranzkoan gertatu da hori, bi autoren artean. Ez dago zauriturik.
Kamioiari dagokionez, biribilgunerako irteera eragozten du, baina osterantzean ez du auto-ilara larregi eragin, bide alternatiboak egokitu dituzte-eta.
Bi autoren arteko istripuari dagokionez, berriz, kasu horretan Sara merenderotik Arrasaterako noranzkoa hartzean gertatu da. Zauriturik ez dago, baina autoek Arrasaterako erreia okupatzen dute, beraz, zirkulazioa eten barik dagoen arren, kontuz ibiltzea komeni da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
