Hobeto jokatu eta baloiaren jabe izan arren, galdu egin du Mondrak: 0-3

Mireia Bikuña 2016ko aza. 12a, 19:48

Etxekoek zelai erdian galdutako baloi bat baliatu du Real Unionek kontraerasoa antolatzeko, lehen gola sartzeko eta lehia apurtzeko. Azken ordu erdian lerroak aurreratu ditu Mondrak berdinketaren bila, baina beste bi gol jaso ditu Zubiaren taldeak. "Irabazteko aukera izan ditugu, baina, ondoen geundenean, lehen gola jaso dugu", esan du entrenatzaileak.

Aurreko astean Zarautzen kontra galdu ostean (1-0) ezin izan du Mondrak etxeko partidua irabazi. Ondo jokatu du. Baloia ondo kontrolatu du. Gol aukerak izan ditu. Baina, zelai erdian egindako akats bakarra, garesti ordaindu du. "Real Union berdinketaren bila etorri da. Apenas jokatu du erasoan, baina...", azpimarratu du Zubiak.

Markagailuan atzetik ikusita, arrasatearrak berdinketaren bila joan dira. 30 minutu zituzten puntu bat lortzeko, baina, ez dute berdintzea lortu eta irundarrek beste bi gol sartu dituzte.

Bi porrot jarraian

Txapelketa lehen zortzi jardunaldietan sei garaipen eta bi berdinketa lortu ostean, bi partidu galdu ditu jarraian Mondrak. Dena den, taldea ondo ikusten du entrenatzaileak. "Entrenamendu onak egiten gabiltza. Lehiatu ere ondo lehiatzen gara. Animo aldetik ondo gaude", esan dute.

Hurrengo jardunaldian ere kontrario gogorra izango dute: Anaitasunaren kontra jokatuko du (22 puntu) Txerloian.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak