Garaia Berrikuntza Gunea barrutik ezagutu dute

Ate irekiak egin dituzte gaur, zapatua, Arrasateko Garaia Berrikuntza Gunean. Jardunaldia familiartean giro atseginean igarotzeko prestatu dute eta halakoa izan da; ume zein helduendako ekintzak egon dira berrikuntza guneko zenbait aretotan banatuta. Hori horrela, enpresa eta instalazioak bertatik bertara ezagutzeko aukera izateaz gain, honako ekintzak egiteko aukera ere izan dute bertaratutakoek: puzgarrietan jolastu, akrobazia tailerra, lego gunean ibili, marrazkiak egin... Eta baita dantza ere, trikitilarien doinuek lagunduta.