'Udarregiren omenez', 'Noaua'-ren gehigarria, edukirik onena

Usurbilgo Noaua astekariak 2016ko maiatzaren 13an kaleratutako gehigarriak lortu du saria. Herriko efemeride batetik abiatuta, Noaua-ko lantaldeak euskal kulturgintzaren argazki panoramiko osatua eskaintzen du gehigarrian, sasoiko artearen, bertsolaritzaren, Ez Dok Amairuren eta beste hainbat elementuren egoera gogoratuta. Gehigarria bera eta material grafikoa dira azpimarratzekoak.