Da Vincik amestutako hegoekin eta tresnekin sortutako dantzak

Aitziber Aranburuzabala Juldain 2016ko aza. 11a, 10:00
Aracaladanza taldearen 'Vuelos' ikuskizuneko une bat.

Leonardo da Vinciren unibertsoan inspiratuta dago eta publiko familiarrarentzako da Vuelos dantza ikuskizuna. Bost urtetik gorakoentzako proposamena da Madrilgo Aracaladanza taldeak Amaia antzokian bihar, zapatua, 18:00etan eskainiko duena.

Abiapuntua edo leitmotiv-a Italiako asmatzaile eta ikerlariak zuen hegan egiteko obsesioa da. “Askotariko tresnak asmatu zituen ameslaria eta pentsalaria izan zen, eta haren ikurrak ziren ezaugarriak eta abileziak nabarmentzen ditugu: hegan egiteko zuen nahiaz gainera, marrazteko zuen teknika ikaragarria eta naturarekiko zuen maitasuna erakutsi gura izan dugu, besteak beste. Hori guztia irudikatzeko, askotariko materialekin egindako hegalak, makilak, poliedroak eta ispiluak erabiltzen ditugu; eta baita ondo landutako jantziak ere”, dio Enrique Cabrera zuzendariak.

Dantza garaikidea eta gehiago

Balletean eta dantza garaikidean eskarmentua duten dantzariak daude taularen gainean: Carolina Arija Gallardo, Jimena Trueba Toca, Jonatan de Luis Mazagatos, Jorge Brea Salgueiro eta Raquel de la Plaza Humera. Hala ere, ez dute dantzarekin bakarrik kontatzen istorioa; ikus-entzunezkoak eta itzal-antzerki teknikak ere badituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak