Santamasetako tenis eta padel txapelketetarako izen emateak zabalik daude

Pasa den urteko tenis txapelketako partida bat.

Aurte ere Arrasate Kirol Elkarteak Santamas txapelketa antolatu du tenis eta padel modalitateetan. Txapelketa horiek, hurrenez hurren, azaroaren 12an eta 19an hasiko dira jokatzen. Parte hartzeko, antolatzaileek izena emateko epea ireki dute.

Bi txapelketak Arrasateko Musakola kiroldegian jokatuko dira, eta horietan parte hartzeko, izen emate epe ezberdinak daude; tenisari dagokiona azaroaren 7an itxiko da, eta padel txapelketari dagokiona, berriz, azaroaren 13an.

Tenis txapelketa kirol hau praktikatzen duten zaletu guztiei egongo da zuzendua. Bada, hiru kategoria egongo dira: 16 urtez azpiko haurrak, gizonezko helduak eta emakumezko helduak. Izena emateko, interesa daukatenek ake.tenis@gmail.com helbidera mezu bat bidali beharko dute beraien izen, adin eta telefonoarekin. Horrez gain, izen emateak 5 euroko prezioa izango du Arrasate Kirol Elkarteko federatu eta bazkideentzat. Gainerakoek, 7 euro ordaindu beharko dute. Azken edizioetan bezala, txapelketako formatua kanporaketa bitartez izango da.

Padel txapelketari dagokionean, hau bikoteka jokatuko da eta bi kategoria izango ditu: emakumezkoak eta gizonezkoak. Parte hartzaileek, akepadel@gmail helbidera mezu bat bidali beharko dute beraien izenarekin eta telefono zenbakiarekin. Tenis txapelketan bezala, federatu eta bazkideek 5 euro ordaindu beharko dituzte, eta bazkideak ez direnek, berriz, 7 euro.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.