Txuma Murugarren beteranoa da Euskal Herriko rock eszenan. Sasoi Ilunak taldean hasi zuen bere ibilbidea 80ko hamarkadan pop eta rock iluna eginez. Eta 2000 urtean bakarkako ibilbideari ekitea erabaki zuen. Bere marka dute pop eta rockaren artean, ironiaren eta malenkoniaren artean, igeri egiten duten kantuek. Beti musikari onekin inguratuta, zazpigarren lan luzea dena kaleratu berri du, Zerbait ari da gertatzen hor izenekoa. Arrasaten egingo du diskoaren estreinaldia.