Ordu eta laurden pasatxo inguruko kontzertua eskaini zuen Atlantatik etorritako Brother Hawk taldeak Amaia antzokian atzo. Emanaldiaren amaieran bisak ere egin zituzten, eta nahiz eta jende askorik ez izan, oso gustura gelditu ziren bertaratutako entzuleak.
Atlantako laukoteak bere lehenengo LPa aurkeztu zuen: Big Medicine. Maiatzean argitaratu zen, eta hamar abesti ditu, southern rock, blues eta americana generokoak.
Horien aurretik, baina, Donostiako The Young Wait taldeak egin zuen 45 minutu inguruko emanaldia. Gaztemania programaren eskutik egin ziren kontzertu horiek, Gipuzkoako gazteek eskaintza komertzialetik kanpo dauden musika taldeen kontzertuez goza dezaten; zuzenean eta prezio merkean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
