Besaide Mendizale Elkarteak zozketa berezia antolatu zuen Iturritxipigaina deritzon eremua arrasatearrei bueltatzeko ekimenari begira. Gaur, martitzena, banatu diote saria zenbaki sarituaren (1.466) jabeari, Ander Etxebarria arrasatearrari. Ternua enpresaren arropa eta osagarriak eraman ditu etxera Etxeberriak, "oso pozik". Ternuari eskerrik beroenak eman dizkie Besaidek. "Beti daude elkarlanerako gertu, benetan eskertzekoa dela", adierazi du Besaideko presidente Aitor Zubiagak.
"Besaideko bazkide naiz eta ekimena oso interesgarria iruditzen zait. Lan handia ari dira egiten eta babesa merezi zuen. Sekulako saria da, gainera. Ekimenaren berri izan nuenean pentsatu nuen zozketa-txartela erostea; gero, kasualitatez, irabazi egin dut. Oso pozik noa", adierazi du irabazleak.
Etxeberriak gaineratu du datozen egunotan Ordesara joateko plana duela: "Argazkiak aterako dizkiot udazkenari eta ziur tokatu zaidan jantziren bat estreinatuko dudala. Primerako materiala da". Motxila bat, barruko termikoa, gizonendako zein emakumezkoendako kotoizko kirol jertse bana, haizetik babesteko txaketa, gizonendako zein emakumezkoendako Termina kamiseta bana eta Ispo Awards deritzon sariketa irabazi zuen txaketa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
