Porturen, Mahomaren eta Julen omenezko jaialdia azaroaren 12an

Jul, Mahoma eta Portu, 1980eko hamarkadan emandako zuzenekoetan.

Kontzertu berezia eskainiko dute Perlata, Ezin Izan eta TxerRIPkumeak taldeek azaroaren 12an Arrasateko gaztetxean (22:30). Rip taldeko kide ziren eta egun hilda dauden Portu, Mahoma eta Jul Bolinaga omenduko dituzte; bi urtean behin egiten dute kontzertu berezia, aurten lehen aldiz Bolinagari ere eskainiko zaiona.

Perlata: Azkenaldian zeresana ematen ari den talde arrasatearra da. Maialenek, Jaionek, Anek eta Anderrek osatzen dute, eta rocka oinarri badute ere, askotariko doinuak entzun ahal izango ditu ikus-entzuleak euren zuzeneko indartsuan, ohikoak ez diren bertsio eta guzti.

Ezin izan: 1990eko hamarkadaren hasieran Donostian sortutako taldea, hardcore doinuak eskainiko dituzte. Gaizkiñe, Perrera eta Barrakos bezalako taldeetan ibilitako jendearekin sortu zen; lehen maketa 1993an kaleratu zuten.

TxerRIPkumeak: Azaroaren 12ko jaialdirako propio sortutako taldea da, Rip-eko bateria-jole Txerra Bolinagaren ekimenez sortua. Des-kontrol, Never Surrender, Enboskada eta Magnificent Seven taldeko kideek osatzen dute. 1980eko hamarkadaren hasieran Rip-eko kideengan eragin zuzena izan zuten taldeen bertsioak eskainiko dituzte.

Jaialdia iragartzeko kartela:

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.