Guatemalako Rebeca Lane poeta, aktibista eta hip hop abeslaria eguenean Arrasateko gaztetxean
Jokin Bereziartua Lizarazu
2016ko urr. 25a, 13:00
Eguen honetan, urriak 27, Rebeca Lane izango da Arrasateko gaztetxean 22:00etan, Kooltur Ekintza taldearen Kooltur Ostegunak ekimenaren barruan. Rebeca Lane Guatemalatik datorren poeta, aktibista eta hip-hop abeslaria da.
Emakumeen hip-hopa bultzatzeko Somos Guerreras ekimenaren sortzailea da Lane eta bere kantuetan Guatemalan bizi izandako diktadura salatu eta emakumeen eskubideak aldarrikatzen ditu. Ertamerikan eta AEBtan gero eta izen handiagoa hartzen ari den abeslariak bira honetan Euskal Herrian egingo duen azken kontzertua izango da eguenekoa.