Kurtzetxikiko gotorlekua ikertzera

Lanak Kurtzetxikin.

Kurtzetxikin gotorleku bat egon zela zioen albistea irakurri ostean, Arrasateko Udalak ikerketa burutzeko proposamena luzatu zion Aranzadi elkarteari. Haren jatorria dokumentatzea "ezinbestekoa" dela uste dute, ezagutzeko gune horren garrantzia. Aranzadiko Alfredo Morazaren zuzendaritzapean abiatuko da ikerketa.

Ikerketarako hainbat zundaketa egingo dituzte eta hainbat artxibotan dokumentazio aztertuko dute. Helburua da gotorlekua datatzea, haren gaineko ezagutza dokumentatzeko eta ezagutzera emateko.

Albistea ezagutu bezain azkar, Udala harremanetan jarri zen Aranzadirekin eskatzeko aurkikuntza horren gaineko dokumentazio azterketa proposamena. Proiektua ezagutu ondoren udalbatzak onartu zuen, uztailaren 12an, 12.669 euroko kontusaila sortzea 2016ko udal aurrekontuaren kredituen aldaketarako espedientearen barruan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.