St. Pauli taldearen jarraitzaileez osatutako Beste Bat! lagunarteak ospakizun eguna izan zuen atzo, zapatua. Denboraldi berri bati ekingo diotela ospatzeko elkartu ziren giro ederrean; bapo bazkaldu ostean B.A.R taldearen kontzertua antolatu zuten Taupa tabernaren kanpoaldean.
B.A.R (Bourbon And Roots) orain gutxi sortu zuten Aitor Etxagibelek (bateria), Aitor Morenok (kontrabaxua) eta Jaime Lizeranzuk (gitarra eta ahotsa); atzokoa euren bigarren kontzertua izan zen. Bluesa oinarri askotariko doinuak lantzen dituzte; ibilbide luzeko musikariak dira hirurak eta hori agerian geratu zen atzoko emanaldian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.