Bezperan euria eginda ere, Mondranbike erreferente

Jokin Bereziartua Lizarazu 2016ko urr. 1a, 19:25
Mondranbike martxan hasiera, Musakolako kiroldegiaren ondoan.

Besaide Mendizale Elkarteak antolatutako Mondranbike bizikleta martxa arrakastatsua izan da aurten ere. Bezperan euria egiten duenean asko jaitsi ohi da parte hartzaile kopurua; bada, aurten 180 bat partaide izan ditu. Antolatzaileek San Isidro elkarte gastronomikoko zuzendaritzaren lana eskertu gura izan dute bereziki. "Luncha prestatu digute, proba borobiltzea ahalbidetuz. Eskerrik asko!", adierazi dute.

Mondrabike martxa errotu den zalantzarik ez dago. Erreferente da; ikusi besterik ez dago kanpotik etorri ohi den ziklista multzoa. Bertako askorendako ere urteroko zita izaten da. Antolatzaileak kezkatuta zeuden atzoko euriak ibilbidean nola eragingo zuen, baina dena ondo joan da: "Euria ez du hainbat egunetan jarraian egin eta hori igarri da. Bustita egon arren, lokatzik ez zegoen. Parte hartzaileek adierazi digutenez, orduak aurrera egin ahala hobera egin du, gainera. Jendea gustura geratu da eta ez dugu istripurik edota bestelako intzidentzia aipagarririk izan".

Erlazionatuak

Mondranbike bizikleta martxako argazkiak

Jokin Bereziartua Lizarazu 2016 urr 01 Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak