Forokoop-eko X. jardunaldia egingo dute urriaren 5ean, Polo Garaian

Eneko Azurmendi 2016ko ira. 30a, 11:28

Forokoop kooperatiba-eztabaidarako foro bat da, kooperatiba gaiei buruzko hausnarketa teoriko zein praktikoak egiteko sortu zena. Jardunaldi honetan kooperatibismoaren ekarpen soziala, parte-hartzea eta nortasuna landuko dira, besteak beste. 

Jardunaldiari hasiera emateko, aurkezpena egingo dute Maria Ubarretxena Arrasateko alkateak, Alfredo Ispizua EKGK-ko –Euskadiko Kooperatiben Goren Kontseilua– kideak eta Rosa Lavin KONFEKOOP-eko –Euskadiko Kooperatiben Konfederazioa–  presidenteak.

Ondoren, bideo bat erreproduzituko dute, Zer da zuretzat kooperatibismoa? eta hori bukatzean, eztabaidarako tartea irekiko da, aipatu moduan, kooperatibismoak egiten duen ekarpen sozialaren gaineko eztabaida, hain zuzen.

Horrez gain, Lan Elkartuko kooperatibismoa, parte-hartzea eta nortasuna ere landuko dira, Ekoizpeneko eta Zerbitzuetako Kooperatiben Nazioarteko Erakundearen eskutik.

Bukatzeko, eztabaidatutako eta landutako gaien gaineko ondorioak aterako dituzte eta gero, luncha egongo da.

Parte hartzeko deia

Foroan parte hartzeko deia luzatu die Forokoopek herritarrei, euren "kezkak, hausnarketak, iradokizunak eta kritikak" helarazteko gonbita eginez.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak