Sanmigelak asteburuan Garagartzan, buzkantza usainarekin

Jokin Bereziartua Lizarazu 2016ko ira. 30a, 11:25
Iazko buzkantza jana Patxisenean.

San Migel jaiak ospatuko dituzte aste bukaeran Arrasateko Garagartza auzoan. Eta Garagartzako sanmigelak buzkantza barik ulertzerik ez dagoenez, aurten ere egubakoitzean eta zapatuan buzkantzak tomatearekin dastatzeko aukera egongo da Patxisena auzoetxean, 19:00etatik aurrera. Aurten ere 300 bat kilo buzkantza eskatu dituzte antolatzaileek.

Egubakoitzean, irailak 30, trikitilarien kalejira (19:30) eta Manex Arriolabengoa zein Maria Izaga eta Azkaiter Pelox trio taldeen kontzertuak izango dituzte (22:00).

Urriaren 1ekoa izango da egun handia: umeendako jolasak eta I. San Migel ginkana (11:30), Gorriti eta bere animaliak (17:30), trikitilariak (19:30) eta Buzkantza Rock jaialdia (22:30). Jaialdiaren laugarren edizioan honako musika taldeek joko dute: Paranoia, Perlata, Krisis, Las Tuerkas eta Kadena Perpetua.

Domekan, urriak 2, San Migelen omenezko meza (11:00) eta Txikitxu-Arrostaitz dantza taldearen emanaldia izango dira (12:30). Jaiak borobiltzeko auzo bazkaria egingo dute, 14:30ean hasita.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak