Hasieran Asier Gozategi ere etortzekoa bazen ere, azken orduko kontuengatik ezin izan zuen Arrasatera etorri eta Xabier Zabalak egin zuen berbaldia. Bere ibilbideaz eta lan egiteko moduaz hitz egin zuen eta baita trikitiarekiko izan duen harremanaz ere. Trikiti Eskolako arduradun Maixa Lizarribarrek egin zituen aurkezle eta moderatzaile lanak.
Esne Beltzeko bi partaide
Ospakizunekin jarraituko dute datorren egubakoitzean, hilak 23. Esne Beltza taldeko Xabi Solano eta Zigor DJ-a etorriko dira Arrasatera, eta erromeria girotuko dute. Herriko Plazan izango da hori. Bukaeran, orain arte saldu dituzten txartelen artean bi sari zozketatuko ditu Eskolak.