Nafar zigiludun elikagaien kalitatea goraipatzeko ekitaldia

Irailaren 6an, asteartea, Nafarroako elikagaiak erakusteko eta dastatzeko ekitaldia egin zuten Arrasateko Ziar-ola elkarte gastronomikoan. 'Navarra artesanía Gourmet' erakusketa ibiltariaren paradetako bat izan zen, eta Ana Ollo Nafarroako Gobernuaren bozeramailea bertan izan zen.

Nafarroak betidanik izan du elikagaiekin lotutako industria sendo bat. Horiek ezagutzera emateko Navarra artesanía Gourmet erakusketa ibiltaria antolatu dute bertako ekoizleek Nafarroaren gobernuarekin elkarlanean.

Arrasateko Virgen del Puy nafarren elkartearen laguntzarekin, erakusketaren geldiuneetako bat Arrasateko Ziar-Ola elkarte gastronomikoan egin zuten pasa den martitzenean. Nafar jatorriko hainbat jaki dastatzeko aukera izan zen: piperrak, zainzuriak, teilak, gaztak, txorizoak ardoak eta olioak, besteak beste.

Nafarroako gobernua ordezkatzeko Ana Ollo bozeramailea bertan izan zen, eta Arrasateko Udal Gobernuko Juan Ramon Mendieta eta Victoriano Fuente ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.