Ford Mugarri eskubaloi taldea hasi da denboraldi-aurreko partiduekin

Ford Mugarriko atezaina erasoaren zain eskuak zabalik. | Ekaitz Filarmendi

Arrasateko Ford Mugarri eskubaloi taldea abuztuaren 23tik ari da entrenatzen aurtengo denboraldirako prest egoteko. Astean lau eguneko entrenamendu saioekin, denboraldi-aurreko partiduak jokatzen hasiak dira.

Zapatu honetan, Gure Auzune taldearen aurka jokatuko dute Musakolan. Irailaren 17an, berriz, Jesus Mari Herrero Pitxi torneoa jokatuko dute Romo taldearen aurka. Aurten, klubeko talde guztiek hartuko dute parte lehiaketa honetan. Goizean, infantilek, kadeteek eta Gipuzkoako seniorrek, eta arratsaldean, berriz, gazte taldeak eta Euskadiko txapelketako Ford Mugarrik. Infantilek eta kadeteek Aloña Mendiren aurka jokatuko dute eta beste hiru taldeek Bizkaiko Romo klubeko taldeen aurka.

Irailaren 24an hasiko da liga

Denboraldi-aurrea amaitzean, irailaren 24an hasiko dute liga seniorrek. Lehen partidua, Zumaiako Pulpo taldearen aurka, etxetik kanpora.

Jokalari bila, azpiko mailetan

Infantil, kadete eta gazte mailetako taldeetan jokalari bila ari dira. Hala, eskubaloian jokatu nahi duenak Iturripera joan beharko du entrenamendu orduetan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.