Euskal Kopa hasiko du MU saskibaloi taldeak

Imanol Beloki Unamuno 2016ko ira. 8a, 14:00
MUko jokalaria erasoan Easo taldearen aurkako partidu batean.

EBA mailako MU saskibaloi taldeak denboraldi berriari hasiera emateko Euskal Kopa jokatuko du. Aurten, gainera, ez dute kategoria ezberdinetako taldeek nahastuta jokatuko. Hau da, EBA kategoriakoak euren artean jokatuko dute, eta LEB mailakoak beraien artean.

Lehenengo partidua Easo Loquillo taldearen aurka izango da, zapatuan, 18:30ean, Iturripen; irailaren 17an, berriz, Santurtziren aurka jokatuko dute; irailaren 18an, Zarautzen aurka; irailaren 24an, atsedena izango dute; eta irailaren 25ean, Tolosaren aurka jokatuko dute Iturripen, 19:30ean. Finalerako sailkatuko balitz, norgehiagoka urriaren 1ean edo 2an jokatuko luke.

Fitxaketei dagokienez, Alex Lorenzo berriro itzuliko da taldearen diziplinara. Iaz, lan kontuagatik ezin izan zuen jokatu, baina hasieratik egongo da taldean. Andoni Atxa ere, nahiz eta juniorra izan, EBAko taldearekin entrenatuko da eta denboraldiaren zehar hainbat partidutan parte hartuko du. Bukatzeko, Mario Madinabeitia Gasteizko jokalaria da eta probatzen ari da taldean.

Ligako lehen jardunaldia

Euskal Kopako lehen partidua  etxean jokatuko dute  Easo Loquilloren aurka. Eta, ligako lehen partidua talde beraren aurka jokatuko dute, kanpoan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak